LeabhairCOMHAR

Bunaíodh an t-inphrionta foilsitheoireachta LeabhairCOMHAR athuair sa bhliain 2010 chun nua-litríocht agus nua-scríbhneoireachta na Gaeilge a fhorbairt, chomh maith le rogha den scoth de scríbhneoirí agus ábhair a chur ar fáil. Tá sé mar aidhm ag an gcomhlacht seo scríbhneoirí úra a earcú agus a chothú ar bhonn leanúnach agus tá sraitheanna nua leabhar á bhforbairt aige faoi láthair:

GUTH NUA (ficsean do dhaoine fásta, scríofa ag scríbhneoirí úra);
DORAS FEASA (leabhair stairiúla agus faisnéise);
AN SAOL ÓG (pictiúrleabhair agus litíocht do pháistí);
SAOL AGUS SAOTHAR (beathaisnéisí acadúla);
TÉAD NA FILÍOCHTA (cnuasaigh théamúla d’fhilíocht ó údair aitheanta); agus
FOGHLAIMEOIR FÁSTA (úrscéalta do dhaoine fásta ag foghlaim na Gaeilge)

Foilsíonn LeabhairCOMHAR seánraí eile chomh maith: saothair do dhaoine óga; filíocht; drámaí; agus gearrscéalta. Mar a thugann teideal an chomhlachta, ‘COMHAR’ le fios, bíonn comhoibriú agus comhpháirteachas, idir an scríbhneoir agus na riarthóirí, mar chroílár an chomhlachta seo.

Ba bhreá le LeabhairCOMHAR fáilte a chur roimh scríbhneoirí samplaí de shaothair a chur chugainn agus a bheith i dteagmháil linn ag leabhaircomhar@gmail.com nó 01-6785443

Leabhair nua 2012

**NUA! Preas-ráiteas faoin leabhar is déanaí ó LeabhairCOMHAR anseo

Codladh Céad Bliain:

Cnuasach Aistí ar Litríocht na nÓg

Sa chnuasach seo, ceiliúrtar na scríbhneoirí bisiúla a raibh mór thionchar ag a saothair ar threo litríocht na n-óg le breis is céad bliain agus tugtar aitheantas don iarracht atá déanta ag foilsitheoirí éagsúla chun litríocht na n-óg a chothú agus a chun chun cinn thar na blianta. Is léachtóir le Gaeilge í An Dr. Ríona Nic Congáil, eagarthóir an leabhar, i gColáiste Phádraig, Droim Conrach, agus tá trí leabhair do dhaoine óga scríofa aici go dtí seo.
Seoladh an leabhar Codladh Céad Bliain: Cnuasach Aistí ar Litríocht na nÓg ag an Dara Comhdháil ar Litríocht agus Cultúr na nÓg i gColáiste Phádraig, Droim Conrach ar 23 Márta 2012.

Leabhair 2011

Preas-ráiteas anseo.

An Gaeilgeoir Grámhar, le hAlan Desmond

Annála, le Gréagóir Ó Dúill

An Ghaeilge i gCéin, in eagar ag Siún Ní Dhuinn
Saol an Mhadra Bháin le Ríona Nic Congáil

An Gaeilgeoir Grámhar...

Preas-ráiteas faoin leabhar is déanaí (2011) ó LeabhairCOMHAR anseo

Is mór an t-athrú atá tagtha ar shaol Bhiddy Uí Laoghaire ó thosaigh sí ag freastal ar rang Gaeilge beagnach dhá bhliain ó shin. Tá sí ina seanmháthair, tá sí pósta don dara huair agus tá roinnt mhaith Gaeilge foghlamtha aici.

Agus tá athruithe eile i ndán di. Tá an mac is sine léi, Eoin, i ndiaidh teacht abhaile ón Astráil agus tá fear in éineacht leis. Ach cén sórt gaoil atá eatarthu?

Is é Mánas múinteoir Gaeilge Bhiddy agus tá suim aige i mná óga sa rang Gaeilge, rud atá ag cur isteach go mór ar Bhiddy. Ach an éireoidh sí as an rang mar gheall ar iompar Mhánais?

An éireoidh léi cailín a fháil d'Eoin?

Tá na freagraí go léir le fáil sa leabhar gairid soléite seo.

Seo é an tríú húrscéal ag an údar d’fhoghlaimeoirí fásta. Agus scéal Bhiddy á leanúint ag léitheoirí is féidir leo eolas a chur ar fhocail agus ar nathanna cainte agus a gcuid féin a dhéanamh díobh gan dua. Tá míniú ar fhocail agus ar nathanna cainte deacra ag bun an leathanaigh, rud a chabhróidh go mór le léitheoirí an scéal a thuiscint agus a gcuid Gaeilge a fheabhsú.

Biddy Uí Laoghaire's life has changed greatly since she started attending an Irish language class nearly two years ago. She is now a grandmother, she has re-married and she has of course learnt a lot of Irish.

But there are other changes in store for her. Her eldest son Eoin comes home from Australia in the company of another man. But what is the nature of the relationship between them?

Biddy is disgusted by the attention the Irish teacher pays to young women, but will she leave the class because of his behaviour?

Will she manage to find a girlfriend for Eoin?

The answers to these questions, and more, are provided in this short, highly readable book.

This is the author's third short novel for adult learners of Irish. The author's clear, accessible style enables readers to follow Biddy's story while assimilating new words and phrases. Difficult words and phrases are explained at the bottom of each page, allowing readers to understand the text while broadening their vocabulary.

Annála

Preas-ráiteas le léamh anseo

File a thugann blianta dá chleacht, cíorann sé nó sí gnéithe éagsúla den am i láthair: an racht caointe, an taom grá, an fhearg uaireanta, an anailís shóisialta, cúrsaí reatha féin uaireanta eile. In amanntaí, déanfaidh sé
neamhshuim de na teorainneacha eatarthu sin, déanfaidh an ócáid a bhuanú.
Dánta a phléann leis an dara cineál sin, le cúrsaí poiblí, maireann a n-éifeacht féin acu tar éis ócáid a gcumtha ach iad a chruinniú mar léiriú leanúnach. Cuid de na dánta a scríobh an file suas le leithchéad bliain anuas
atá bailithe anseo ar an ábhar sin, mar léargas nó insint leanúnach, mar fhianaise stairiúil, mar íomhá de roth mór an tsaoil, móide dánta nua den stíl agus den léargas céanna. Mar annála file.

Údar
Rugadh Gréagóir Ó Dúill i mBaile Átha Cliath agus d’fhás sé aníos ar an Chionn Bhán, Co. Aontrama. Roinneann sé a chuid ama anois idir Baile Átha Cliath agus Gort a’ Choirce i nGaeltacht Dhún na nGall. File é a bhfuil cuid
mhór saothair foilsithe aige i nGaeilge agus i mBéarla agus léann sé a chuid dánta go forleathan san Eoraip agus i dTuaisceart Mheiriceá.

Ealaíontóir
Is as Londain Shasana d’Ian Gordon ó dhúchas, péintéir tírdhreacha a bhfuil cónaí air i nGaoth Dobhair ó 1980 i leith. Péinteálann sé in oladhathanna ‘en plein air’ agus ó am go chéile déanann sé píosaí bróidnéireachta lena gcur faoi thamh in áiteanna áille. Bíonn saothar leis ar taispeáint go minic in Éirinn ó 1995 ar aghaidh agus, lena chois sin, sa Fhrainc, i gCeanada agus sna Stáit Aontaithe Mheiriceá.

Tá Annála ar fáil láithreach ó ÁIS, nó le cárta creidmheasa ar an suíomh nua atá ag LeabhairCOMHAR – www.leabhaircomhar.com nó téir i dteagmháil linn san oifig. Gach eolas maidir le praghas ar fáil ar an suíomh.

Beidh an leabhar á sheoladh mar chuid de mhórsheoladh bliantúil de COMHAR & LeabhairCOMHAR ar Chéadaoin 7 Nollaig 2011 i mBaile Átha Cliath. Is é seo an chéad chnuasach atá foilsithe sa tsraith Téad na Filíochta, áit a gcuirfidh filí aitheanta cuid dá saothar in eagar ar bhonn téamúil in éineacht le dánta nua ar an téama céanna. In éineacht leis an bhfilíocht, coimisiúnaítear ealaíon agus líníochtaí ó ealaíontóir de rogha an fhile le cur le seachadadh na ndánta.

Saol an Mhadra Bháin

Preas-ráiteas le léamh anseo

Saol an Mhadra Bháin
Cloiseann Ciara go bhfuil saol an mhadra bháin thart. Ach cén chaoi ar tharla sé sin? Bhí sí ag imirt leis an madra bán le déanaí agus bhí an chuma air go raibh sé breá sláintiúil. Is léir nach mian leis na daoine fásta gach rud a insint do Chiara faoi bhás an mhadra bháin. Beartaíonn Ciara a fháil amach céard atá ar siúl acu agus céard go díreach a rinne siad lena cara beag bán.…

Tá an-dúil ag Ríona Nic Congáil sa scéalaíocht, sa tsamhlaíocht agus sa spraoi. Seo an tríú leabhar do pháistí óna peann. Is breá le Criona Nangle bheith ag tarraingt pictiúr de mhadraí bána. Nuair nach mbíonn sí i mbun na hoibre sin, bíonn sí ag tarraingt pictiúr de thithe.

Beidh an leabhar á sheoladh mar chuid de mhórsheoladh bliantúil de COMHAR & LeabhairCOMHAR ar Mháirt 7 Nollaig 2011 i mBaile Átha Cliath. Is é seo an chéad phictiúr-leabhar atá foilsithe sa tsraith An Saol Óg, áit a gcuirfí scéalta taitneamhacha feiliúnacha do pháistí ar fáil le scoth na líníochta agus téacs in-shroichte don pháiste agus don duine fásta ar aon.

An Ghaeilge i gCéin

Preas-ráiteas le léamh anseo

* * * * * * * * * * * * * * * * * * * * * * * * *

Leabhair a foilsíodh in 2010

Uachtaráin na hÉireann, le hEithne Nic Eoin
Samhradh an Chéasta, le Catherine Foley
Rún an Bhonnáin, le Proinsias Mac a’ Bhaird

Uachtaráin na hÉireann

Leabhar tagartha staire é Uachtaráin na hÉireann, go hiomlán i nGaeilge, a thugann cuntas cruinn, cuimsitheach ar théarmaí oifige na nUachtarán ó bunaíodh an Stát.

Rugadh Eithne Nic Eoin i mBaile Átha Cliath agus d'fhreastail sí ar Scoil Chaitríona sa chathair. Céimí de chuid Ollscoil Oxford í agus oibríonn sí mar fhorbróir taispeántais in ionad cuairteoirí Áras an Uachtaráin agus in áiteanna eile.

Samhradh an Chéasta

Tá contúirt i ndán do Neasa ach tá sí mar uain ag dul chun an tseamlais; soineanta, goilliúnach, dallta ag an dainséar. Tá mangaire druga ag plé léi, tá uaigneas ag bagairt uirthi agus tá piollairí dainséaracha á dtógaint aici mar go bhfuil sí i ngreim ag galar intinne ár linne – ag iarraidh chruth idéalach an mhainicín a fháil. Ach níl a máthair ar fáil, ní thuigeann a seanthuismitheoirí cad atá ar bun aici agus tá a cairde i bhfad uaithi. Níl ann ach buachaill amháin chun ardú croí a thabhairt di. Fáilte chuig samhradh a céasta. An dtiocfaidh sí as? An éireoidh léi éalú ó chrúba an mhangaire agus smacht a fháil ar a galar inmheánach féin?

Tá domhan inmheánach an déagóra faoi scrúdú anseo agus léirmheas tugtha ar an mbrú atá dá ciapadh. Scéal dorcha, comhaimseartha is ea é seo ó pheann Chatherine Foley atá dírithe ar dhaoine óga.

Is scríbhneoir lánaimseartha í Catherine Foley. Rugadh i gCathair Phort Láirge í agus tógadh i nGaeltacht na Rinne. D’fhreastail sí ar Choláiste na hOllscoile Corcaigh sna seachtoidí. Tá dhá úrscéal Gaeilge scríofa aici d’fhoghlaimeoirí fásta cheana féin: bhuaigh An Cailín Rua an chéad duais i gComórtas Litríochta an Oireachtais in 2003 agus an bhliain roimhe sin, bhuaigh Sorcha sa Ghailearaí duais liteartha eile.

Rún an Bhonnáin

Tá dúnmharfóir i mbun oibre! Ceoltóirí ar an sean-nós á marú aige! Gan de cheangal fánach eatarthu ach nasc aisteach le Cathal Buí Mac Giolla Gunna, file agus údar 'An Bonnán Buí'. Rún ársa a bhí ceilte leis na cianta is cúis le scrios agus ár inniu. An fada eile a choinneofar faoi cheilt é nó cé chomh fada is a rachaidh daoine áirithe le Rún an Bhonnáin a chosaint?

A killer is loose! The victims, sean-nós singers! Why, is anybody's guess. The only clue is a strange connection with Cathal Buí Mac Giolla Gunna, poet and composer of the famous song 'An Bonnán Buí'. A secret long lost in the mists of time has devastating consequences for today. How long will it remain hidden and to what lengths will some go to protect the secret of the Bonnán?

Meitheal oibre LeabhairCOMHAR: Cathal Billings, Liam Mac Amhlaigh, Mairéad Ní Chinnéide, Riona Nic Congáil, Siun Ní Dhuinn, Eilís Ní Mhearraí, Brian Ó Raghallaigh